QUENES SOMOS

A EEI Ntra. Sra. del Monte Carmelo, foi construída pola Sra. Condesa de Fenosa pasando a formar parte da Xunta de Promoción Educativa “ARZOBISPADO DE SANTIAGO”.

Empezou a funcionar no ano 1978 como centro público en Réxime de administración especial como tódolos que pertencían a Xuntas de Promoción. Estas foron extinguidas e o centro pasou a ser un Centro Concertado conservando as prazas ocupadas por funcionarios. No ano 2009 foille concedido Concerto Pleno para dúas unidades xa ca outra está ocupada por unha funcionaria.

Polo tanto a EEI Nª Sra. del Monte Carmelo e un centro acollido ó Réxime de concertos educativos regulado no título IV da LODE, e nos capítulos III e IV do título IV da LOE e nas súas normas de desenrolo.

Ten creadas catro unidades, na actualidade en funcionamento tres.

Está adscrito ó CEP Salustiano Rey Eiras.

A nosa Escola é católica, propón unha visión cristiá da vida que presenta como proxecto significativo e alternativo, baseado no proxecto evanxélico de Xesús de Nazaret e nos dos nosos fundadores, que trata de contribuír á construción dunha humanidade máis fraterna, xusta e solidaria sendo a nosa opción preferente os pobres. Pretende ofrecer as ferramentas necesarias que contribúan ó desenrolo humano e cristián de cada alumn@

 A Congregación Relixiosa Misioneiras do Divino Mestre é a Institución Titular:

– Garante o servizo educativo, é a responsable de expresar e manter os principios que definen o tipo de educación que se desenrola no noso centro, así como os criterios de actuación que expresan a fidelidade a estes principios.

– Vela pola cohesión entre os distintos membros da comunidade educativa, e pola coherencia e cali-dade da educación.

– Comparte a súa misión cos educadores seculares.

– Opta por unha filosofía educativa cristiá, procurando o crecemento dos alumn@s na fe que lles leve a integrar na súa vida os valores do Evanxeo.

Esta Congregación Relixiosa é un Instituto de Vida Apostólica, fundada en España no ano 1944-1945 en Baza (Granada) por D. Francisco Blanco Nájera, Bispo, Pedagogo, Xurista e escritor, e por Soledad Rodríguez Pérez, muller dotada de excelentes calidades humanas e pedagóxicas que puxo integramente ao servizo da súa tarefa como mestra.Viviron profundamente o ideal de levar a luz da verdade e o lume do amor do Divino Mestre á intelixencia e ó corazón dos pobres.

Entendemos a Comunidade Educativa (Entidade Titular, mestras, alumn@s, pais/nais, persoal de servizos) como unha gran familia acolledora na que os membros quérense, axúdanse, respéctanse, colaboran e apos-tan pola educación en valores.